نكت و تسلية

الفروج والديب 

 هادا فروج كيودن فوق الشجرة، وواحد الديب واقف تحت الشجرة

ملي سالى الفروج، قال ليه الديب : فعلا لا إله إلا الله. أش بان ليك تنزل نصليو جماعة؟

تعويض  

هادا واحد مكلخ ضرباتو طوموبيل، ناضو عطاوه مية ألف ريال تعويض
من بعد، مشى للمحطة ووقف ف السكة ديال التران، و قال: أراااااااااااااااااااااك للملايين.

المبوق والقهوة 

 واحد قال لصاحبو مبوق : عرفتي أنا إيلا شربت القهوة ما كنقدرش ننعس
قال ليه المبوق :  أنا العكس ديالك، إيلا نعست ما كنقدرش نشرب القهوة.

محاضرة 

 هادا واحد مبوق غادي ف الزنقة ف نصاصات الليل
وقفو البوليسي وسولو : فين غادي؟
قال ليه المبوق : غادي لواحد المحاضرة
قال ليه البوليسي: علاش كاين شي واحد كيعطي محاضرة ف هاد الوقت؟
قال ليه المبوق: اه، مرتي

كوري؟ 

 واحد التلميد دخل القسم معطل بلا ما يدق الباب
قال ليه الاستاد معصب: كوري؟؟
جاوبو التلميد: لا لا، مغربي.

دخل أحمد، خرج أحمد 

 هادي واحد المرا كبيرة وحشومية بزاف مشات تقرا ف محو الأمية
 وكان العنوان ديال الدرس : دخل أحمد، خرج أحمد
ملي تقول المعلمة: دخل أحمد، كدير المرا الزيف على راسها
وملي تقول المعلمة: خرج أحمد، كتحيد المرا الزيف على راسها
ملي مشات للدار، قال ليها راجلها: آشنو قريتو اليوم؟
 قالت ليه: علاه احمد خلانا نقراو؟ ها هو داخل، ها هو خارج.

الخياط 

 واحد السيدة حطات ثوب عند الخياط باش يصوب ليها جلابة ملي جات تاخذها، قيساتها قدامو وجاتها قصيرة  الخياط عرف راسو قفرها، قال ليها: طواليتي يا العفريتة

أتاي أولا العشا

 واحد المعلم عرض على صحابو يجيو عندو للدار
 ملي جلسو شوية هدروا، قال ليهم: شنو نسبقو أتاي ولا العشا؟
قالوا ليه: العشا !
 هو يقول ليهم: توكلنا على الله نوضو تصليو

ضربني ونضربك

 واحد مغربي قال لواحد الشينوي: ضربني و نضربك قال ليه الشينوي واخا جا الشينوي ضربو، وهو يسخف المغربي يومين فاش فاق، سول الشينوي قال ليه: أشنو هاديك الضربة ضربتيني؟ قال ليه الشينوي: سميتها Frappe coup جات نوبة المغربي، ضرب الشينوي وهو يبقى ف كوما عام ملي فاق، سول المغربي، قال ليه: أشنو هاديك الضربة ضربتيني؟ قال ليه المغربي: سميتها K.M.J قال ليه الشينوي: واشنو هي؟  جاوبو المغربي: كلامونيت ملوي في جورنال

Dire

واحد الاستاذ قال لواحد التلميذ: صرف Verbe "Dire" au présent de l'indicatif
الولد ماعرفش الجواب وبقى ساكت
قال ليه الاستاذ: أنا نعاونك في الاولى، و انت كمل
Je dis
الدري تفتحو عينيه من الفرحة و بدا
Vendredi
Samedi
Dimanche

الرباط سلا 

 هادا واحد ماعمرو ما مشى للرباط... نهار مشى ليها، لقا ف الدخلة ديالها بلاكة مكتوب عليها " الرباط سلا"... هو يقول لصاحبو: هاد الرباط ما لقي ايمتا يسالي حتا جينا ليه حنا

المضاربة

 واحد سول صاحبو: باش سالات المضاربة ديالك البارح مع مراتك؟
 جاوبو: جات عندي راكعة على ركابيها
 وقالت ليا: خرج من تحت الناموسية أ الخواف

الصراحة راحة

 أستاد د الفرنسية سول واحد التلميد ديالو: كيفاش كنقولو الصراحة راحة بالفرنسية؟قال ليه التلميدLa vérité rité

عليكم الحرام

 شي وحدين جالسين كايتكيفو.  داز حداهم واحد الشيباني، قال ليهم: حرام عليكم  قالو ليه: وعليكم الحرام.

محرم 

 سولو واحد المحشش : إيلا كان التدخين محرم، أش يكون الحشيش ؟؟
قال ليهوم : احتمال يكون ذو القعدة

اللغات

 هذا وحد المش مبوق تابع واحد الفار، وهو يهرب ليه وطلع مع القادوس.
 تخبى المش ساعة ساعتين ما نزلش ليه الفار.
 شوية هو يفكر مزيان وقال: هاو هاو هاو هاو.
 الفار قال مع راسو: ما دام الكلب جا إذا المش هرب.
وملي نزل الفار لقى المش كيتسناه وكلاه.
 وهو يقول المش مع راسو: الواحد في هاد البلاد إيلا ما كان عندو جوج لغات ما ياكلش طرف الخبز

سبرديلة

هادا واحد الولد مستيلي كان راكب ف الطوبيس ولابس سبرديلة ديال ربعين ألف ريال
جات واحد المرا شارفة عفطات عليه
قال ليها: سمحي ليا أ الوالدة، راكي عافطة على ربعين ألف ريال
تحنات المرا مادة إيديها وقالت ليه: ديال أوليدي

الشفنج

 واحد مشى عند مول الشفنج، قال ليه: عطيني كيلو ديال الشفنج.
 كلاه وما شبعش، قال ليه: زيد نص كيلو.
 كلاه وما شبعش، قال ليه: زيد رابعة.
كلاه وهو يشبع، وقال تفوووووووو من اللول كنت ناخد رابعة.

مول فران مسموم

 واحد الطلاب مشى عند واحد مول فران مسموم قال ليه: خويا، سيمانة هادي ما دقت الخبز
قال ليه مول الفران المسموم: راه مداقو هو هو، ما تبدلش

شربي الما ونعسي

 هادا واحد سمع الغوات عند الجيران ف نصاصات الليل ومشى يشوف أشنو واقع، قالو ليه الما د الروبيني فيه التسمم. رجع الراجل لدارو وسولاتو مرتو: أشنو واقع؟ قال ليه راجلها: أوالو داكشي. شربي ليك شي كاس ديال الما ونعسي

مسموم ف الجنازة

 هادا واحد مسموم مشى لواحد الجنازة و بدا يبكي يبكي يبكي. سولوه الناس: واش كتعرف هادا اللي مات؟
قال ليهم: لا، و لكن سمعت بأن البكا كيعدب الميت

المسموم و الأيتام

 واحد المسموم اتصل بالراديو و أهدى أغنية بابا فين للأيتام ف عيد الأب

حمامة ولا غزالة

هادا واحد قال لمرته: انتي حمامة

قالت له: لا، أنا غزالة

قال لها: واخا. المهم حيوانة

المسموم مول الطاكسي

 واحد المسموم عندو طاكسي. طلق مرتو، و مللي مشى يوصّلها لدار بّاها خدم ليها الكونتور

المسموم و شهر العسل

 واحد المسموم تجوج... و مشى لشهر العسل بوحدو

ممحاة ديال ستاشرمية

هادا واحد المعلم تعين ف واحد لقرية ف لعروبية. واحد النهار دّا الكاشير للقسم و سول التلاميد: ما هذا؟

حتى واحد ما قشع أشنو داكشي. شوية و هو يهز واحد التلميد صبعو: هاديك ممحاة ديال ستاشرمية

التراكتور

 هادي واحد المعلمة رسمات للدراري تراكتور و سولاتهم واش عرفوا أشنو سميته.
حتى واحد ماعرفه. واحد شوية وهي تنوض واحد باش يجاوب و الدري تمتام، قال ليها: تر تر تر تر تر تر
وهي تقول ليه: أنا غير سولتك على سميته ماشي قلت ليك دير ليه أمارش

الكعية ديال بصاح

  هادا واحد الاستاد قال للتلاميد دياولو: غادي نوريكوم تلالة د الانواع ديال الكعيات اتصل بواحد النمرة وجاوباتو واحد البنت قال ليها: كاين عمر؟ قالت ليه: لا ما كاينش، النمرة غلط قال للتلاميد: هادي كاعية اتصل تاني بنفس النمرة وجابواتو نفس البنت وقال ليها: كاين عمر؟ قالت ليه: قلنا ليك ما كاينش مالك مصدعناقال للتلاميد: هادي كاعية كتر عاود اتصل بنفس النمرة وجابواتو نفس البنت وقال ليها : كاين عمر؟قالت ليه:ما كاينش ألحمار وما تبقاش تعيط قال للتلاميد: هادي كاعية بزااااااااااف ناض واحد الولد قال ليه: أنا غادي نوريك الكعية ديال بصاح ناض عيط لنفس النمرة وقال ليها: أنا عمر، عيط ليا شي واحد؟

النجمة بالفرنسية

  واحد الاستاد ديال الفرنسية سول التلاميذ دياولو: أشنو هي النجمة بالفرنسية؟ واحد التلميذ عرفها ولكن حشومي، وقالها لصاحبو الكسول. داك الكسول هز صبعو وقال للاستاذ: ليطوال L'étoileتعجب الاستاذ من هاداك الكسول وقال ليه: ركبها في جملة مفيدة.جاوبو الكسول: اللي طوال يرجعو اللور، واللي قصار يزيدو القدام

تساوي الحرب

أستاد ديال الرياضيات سول واحد التلميد: إيلا عطاك باك 10 د الدراهم و عطا لخوك 15 دراهم. ماذا تساوي؟

قال ليه التلميد: تساوي الحرب

حاس براسو مكلخ

  واحد المعلم قال للتلاميد دياولو: اللي حاس براسو مكلخ يوقف سكتوا التلاميد كاملين إلا واحد ناض وقف قال ليه المعلم: حاس براسك مكلخ؟ قال ليه التلميد: لا، غير ما بغيتكش تبقى واقف بوحدك

سبيل و سلسبيل

 واحد المعلم سول التلاميد: أشنو المعنى ديال كلمة سبيل و أشنو المعنى ديال كلمة سلسبيل
جوابه واحد التلميد: سبيل هو طريق و سلسبيل هو طرطريق

ضرب الولد الصرصور

واحد الاستاد قال لواحد التلميد: أعرب لنا جملة "ضرب الولد الصرصور"
جاوبه الولد: ضرب فعل إجرام، الطفل ابن حرام، أما الصرصور فهو فاعص مفعوص وعلامة فعصه الضربه القاضيه على رأسه

ضفدعتعشر

واحد المعلم رسم للتلاميد ضفدعة و حداها 1 ف السبورة و قال ليهم يقراو ليه أشنو داكشي. شي قال (واحد ضفدعة). شي قال (ضفدعة واحدة) .ما خلاو ما قالوا حتى عياو و هو ينوض واحد الكسول و قال ليه: هاديك

ضفدعتعشر

عزيز على المعلمة

 واحد المرا سولات ولدها: واش نتا عزيز على المعلمة ديالك؟
قال ليها الولد: أه أماما، أنا بوحدي اللي كتقول ليا غادي تبقى معايا العام الجاي

علاش تعطلتوا؟

 هادو 2 دراري تعطلوا على المدرسة. سولهم المعلم : علاش تعطلتوا؟ قال ليه واحد: راه طاحت ليا 10 د الدراهم.  و هو يسول المعلم التاني: و نتا مالك؟ قال ليه لاخور: راه كنت داير رجلي عليها. 

كسول جاه كلاكاج

 هادا واحد لكسول، غير هز صبعو و هو يشدو لكلاكاج

كيتبسل عليا

 هادي واحد البنت وصلات المدرسة معطلة قال ليها الاستاد: مالكي تعطلتي؟ قالت ليه: راه واحد كان كيتبسل عليا و تابعني قال ليها المعلم: إيوا إيلا كان شي واحد تابعك غادي توصلي دغية ماشي تعطلي قالت ليه: راه هو اللي كان كيتمشى بشوية

مول السيبير

 هادا واحد الدري جرى عليه الأستاد ديال لانفورماتيك مللي مشى عند الحارس العام، قال ليه: مالك أولدي؟ قال ليه التلميد: جرى عليا مول السيبير

نتائج المدرسة

هادا واحد الولد ساقط ورا النتيجة ديالو لباه. عطاه باه قتلة ديال العصا وقال ليه يا الكسول أشنو كنتي كتدير ملي كانو قرانك كيقراو
منين كمل معاه جات نوبة خوه. ورا لباه النتيجة اللي مكفسة بحالها بحال ديال خوه. شاف فيها باه وهو يقول ليه: سير أولدي الله يهديك، ولكن العام الجاي خاصك تدير حسن من هاكا.
الولد اللي كلا العصا بغى يحماق ما فهمش القضية كيدايرة. وهو يسول خوه: كيفاش زعما بجوجنا ساقطين وأنا ناكل العصا ونتا لا؟
قال ليه خوه: حيت حطيت ليه مية درهم ف وسط النتيجة

نفرح الدراري

 هادي واحد الطلابة قالت لواحد المعلم: الله يرحم الوالدين عطيني باش نفرح الدراري
قال ليها: سيري قولي ليهوم راه ما كايناش القراية غدا

نفس الشعور

 واحد المعلم ضرب واحد الولد كيقرى عنده و قال ليه: راه غير عزيز عليا، داكشي علاش كنضربك إيلا ما درتيش التمارين
قال ليه الولد: كون غير قدرت نبادلك نفس الشعور

20 فرانك ديال الزبدة

 هادا واحد الزقرام قال لولده: سير جيب 20 فرانك ديال الزبدة مشى الولد و قال لمول الحانوت: قال ليك بابا عطيني 20 فرانك ديال الزبدة قال ليه مول الحانوت: سير عيط لباك يلحس الموس

القرزاز ف الطاكسي

 هادو تلاتة راكبين ف الطاكسي. واحد الوقت، ناض مول الطاكسي زكل واحد لفيراج، و بدا غادي ف واحد الهبطة نيشان للواد. الراجل اللول بدا يغوت: آ مولاي دريس، آ مولاي يعقوب التاني تبعه: آ سيدي عبد الرحمان،  آ مول المجمر التالت القرزاز بدا عليهم: آ حبس أوا علي الكونتور، آ حبس عليا داكشي

زقرام أول مرة ياكل مسكة

واحد الزقرام أول مرة ياكل مسكة، و هو يحلف ما ينعس حتى يكملها

قرزازين بغاو يتصدقوا

هادو تلاتة زقرامين قرروا يتبرعوا بشوية من فلوسهم حيت كترات عليهم الهدرة

قال ليهم اللول: غادي نرسم واحد الدائرة و نلوح الفلوس من الفوق. الفلوس اللي طاحوا ف الداخل ديال الدائرة ديالي. و الفلوس اللي يطيحوا ف برا الدائرة غادي نتصدق بيهم

قال ليهم التاني: أنا غادي نرسم واحد الخط و نلوح الفلوس من الفوق. الفلوس اللي طاحوا على ليمن ديال الخط ديالي، و اللي طاحوا على ليسر ديال الخط نتصدق بيهم

ناض التالت قال ليهم: أنا غادي نلوح الفلوس من الفوق. اللي طاحوا ديالي و اللي بقى ف السما نتصدق بيه

القرزاز مول الموطور

 هادا واحد القرزاز سايق الموطور ديالو و هاز خنشة ديال الطحين. شوية تلفت موراه و هو يموت. بان ليه الخط البيض ديال الشانطي و هو يسحاب ليه واش الدقيق ديالو اللي كيتكفح ليه

الشفار

 واحد الراجل خارج من لوزين، وهو يتعرض ليه واحد الشفار هلكو مزيان وخدا ليه الخلصة ديالو من بعد 15 يوم، كان الراجل خارج عاوتاني من لوزين، وهو يتعرض ليه نفس الشفار يالله بغى يعطيه قتلة ديال العصا تاني، وهو يقول ليه الراجل: حبس أخويا، هاك الخلصة ديالي، بلا ما تضربني شد من عندو الشفار الفلوس، وبقا عليه حتى سلخو قال ليه الراجل: الله يا خويا، عطيناك الفلوس وهلكتينا قال ليه الشفار: أنا ندي شي حاجة بعرق كتافي

الشارفة واللوز

  هادا واحد الشيفور كان غادي بالكار وجالسة مرا شارفة ف القدام شوية عطات ليه المرا الشارفة شي لوز، وهو ياكلو شوية تاني، عطات ليه المرا الشارفة شي لوزات وكلاهم المرة التالتة، مدات ليه المرا الشارفة اللوز، وهو يقول ليها: بارك الله فيك أ الوالدة، ولكن خلي لراسك شوية د اللوز قالت ليه المرا الشارفة: لا أوليدي، راني ما عندي سنان، وبركة عليا كنمص السكلاط اللي داير بيهم

باغي الصداع

 واحد دخل لدارو باغي غير يجبد الصداع مع مرتو
ما لقى منين يشدها، شاف حتى عيا وهو يقول ليها: فين الغبرة اللي كانت فوق الطبلة؟
قالت ليه: علاش اشنو بغيتيها؟
قال ليها: كنت كاتب عليها النمرة ديال صاحبي

علي وبراهيم

علي وبراهيم تشاركوا ف حانوت

واحد النهار، ناض علي علق على الحانوت پلاكة مكتوب عليها بالفرنسية

Alimentation générale

جاء براهيم قرا الپلاكة وكعا، وهو يبدلها ودار فيها

Brahimentation générale

خاطب

 واحد خايب بزاااااااااااااف بغى يخطب وطلبو منه صورته عطاهم التصويرة وكتب عليها وعسى أن تكرهوا شيئا وهو خير لكم

الكدوب

 واحد كذاب بززززاف قال لواحد صاحبو: أنا خلاقيت ملي كان قوس قزح بيض وكحل !! وهو يرد عليه صاحبو حتى هو طيارة في الكدوب قال له: انا تزاديت فــاش كان البحر الميت باقي مريض فالسبــيطار

ماطيشة حمرة

 هادا واحد الراجل دا ولدو للسوق باش يعلم ليه الألوان ورا ليه ماطيشة وقال ليه: شوف أولدي، هادي ماطيشة وراها حمرة واخا كتبان ليك صفرة، راه غير باقا خضرة

أيامات الشباب

 واحد الشيباني قال لصاحبو: في أيامات الشباب، كانوا العيالات يجريو يتبعونيقال ليه صاحبو: ودابا؟قال ليه الشيباني: لا دابا صافي، عفى عليا الله من الشفرة ديال السيكان

لحق على التران

  هادا واحد كيجري مورا التران، يطيح وينوض، يطيح وينوض
الناس كاملين اللي راكبين ف التران كيموتوا عليه بالضحك
ناض واحد طل عليه من الشرجم وقال ليه: وبركة أصاحبي، راه قتلتينا بالضحك
قال ليه هاداك الراجل: إيوا دابا تموتوا بالخلعة راه أنا الشيفور

بيمو ديال الدجاج

هادا واحد ضراتو كرشو ومشى عند الطبيب.
 سولو الطبيب شنو كليتي؟
 قال ليه: بيمو ديال الدجاج.
 فاش قلبو لقاه واكل كنور

النسيبة

 هادا واحد جات عندو نســـيـبتو. قال ليها: شحال غتبقاي معانا؟  قالت ليه: حتى تملو منيقال ليها: وبقاي غير حتى تشربي أتاي بعدا

استفادة

 واحد الولد سول باه: بابا أشنا هو الموديم؟ قال ليه باه: ما عرفتش أولدي. قال ليه الولد: أشنا هي الانترنت؟ قال ليه باه: ما عرفتش أولدي. قال ليه الولد: أشنا هي العولمة؟ قال ليه باه: ما عرفتش أولدي. قالت ليه أمه: خلي عليك باك بركة من التبرزيط قال ليها راجلها: لا، خلي الولد يستافد

اللوينات

 واحد البنت واقفة بطموبيلتها فالفوروج. شعل الاخضر ما مشاتش. شعل الاصفر ما مشاتش. شعل الاحمر ما مشاتش. وهو يجي عندها البوليسي و قال ليها: سمحي لينا أختي، راه غير هاد اللوينات اللي عندنا

ماساج

هادا واحد الراجل دخل للدار ولقى مرتو ما وجداتش ليه العشا
الراجل كعا بزاف و طلع الدم، ودخل البيت وسد عليه
مرتو باش تحزرو، مشات عندو وقالت ليه: ندير ليك ماساج؟
قال ليها: والله وديريه حتى نلوحو ف الزبل

بوراس كبير

 هادا واحد خينا راسو كبيييييييير ركب في الطوبيس، وبقا كيغني أغنية ديال الدراري الصغار وتيميل براسو على ليمن ... وعلى ليسر ... (عندي بااااااااابا ... وعندي ماااااااااااااما ... ديما معاااااايا ... حتى في النوووووووووم) ملي كان الطوبيس غادي، واحد البوليسي حبس الشيفور ديال الطوبيس ... قال ليه: عندك 400 درهم خطية الشيفور: علاش؟ ياك لاباس؟ البوليسي: راه الطوبيس تيميل على ليمن وعلى ليسر الشيفور كعا وسب هاداك خينا اللي راسوا كبير صاحبنا بو راس كعا حتى هو ... قال ليه: ياك؟ كتعايرني؟ واخا! غا زاد الطوبيس شوية وبدا بوراس كيغني ليه أغنية الكناوي ناوي ناوي ... الكناوي يا سادتي)

مـيـسـاج

واحد المبوق بغى يسيفط مـيـسـاج لمرتو

كتب ليها: إلـى أرق وأعـذب و أحـلـى وأجـمـل وأكـرم وأشـرف وأحـمـد وابـراهـيـم وحـسـن والـدراري كامـلـيـن الله يـحـفـظـكـم

حلمت  

هادو جوج مبوقين كانوا مجمعين
قال واحد فيهم لصاحبو : حلمت واش مشيت لفرنسا
قال ليه صاحبو : و أنا حلمت واش درت عراضة كبييييييييييييييرة
تعصب لاخور وقال ليه : وعلاش ما عرضتيش عليا ؟
قال ليه صاحبو : والله أصاحبي إيلا يسحابلي مشيتي ل فرنسا

تودرات

  هادا واحد خينا مكلخ كان غادي ف السوق مع مرتو
شوية تودرات عليه مرتو وبدى كيقلب عليها
مشى كيدور ف السوق وكيسول الناس: ما بانتش ليكم واحد المرا أنا ما غاديش معاها؟

تعويض

  هادا واحد مكلخ ضرباتو طوموبيل، ناضو عطاوه مية ألف ريال تعويض
من بعد، مشى للمحطة ووقف ف السكة ديال التران، و قال: أراااااااااااااااااااااك للملايين

جوج خوت

  واحد مكلخ جالس مركز وكيفكر
سولوه : مالك ؟
قال ليهم : ما بغاتش تفهم ليا واحد القضية ...كيفاش دابا ختي عندها جوج خوت دراري وأنا عندي غير واحد خويا ؟

الحفرة

 هادو رباعة ديال المكلخين عندهم حفرة فالحومة، ناضوا تجمعو باش يلقاو شي حل قال ليهم واحد: نديروا شي فرملي ف الحفرة، باش اللي طاح فيها يداويه ف البلاصة قال ليهم واحد اخر: لا نجيبو لابيلانص حدا الحفرة، باش اللي طاح نديوه فيساع للسبيطار هدر واحد اخر: نريبوا داك السبيطار، ونبنيو واحد اخر ناض واحد قال ليهم: وا لا! خاصنا نسدو هاديك الحفرة... ونحفروا وحدة أخرى قدام السبيطار

لقى 4000 ريال

 واحد المكلخ كان غادي ولقى 4000 ريال وهو يبدا كيفكر
غادي نعطي 1000 للوالد كايتسالها ليا
و1000 للوالدة كاتسالها ليا
و 2000 اللي كايسالني مول الحانوت
وهو يقول اش غادي يبقى ليا !!!
و الله لا هزيتها

أيفون

 واحد المكلخ شرى أيفون. شوية رجعو للمحل، وقال ليهم: ما حشمتوش؟ بعتوا ليا أيفون قديم قالو ليه: باش عرفتيه قديم؟ قال ليهم: التفاحة اللي فيه معضوضة

طير ميت

 هادا جوج كانوا غادين ف الطريق واحد قال لصاحبو: شوف شوف، طير ميت ناض لاخور هز راسو للسما وقال ليه: فين؟ فين؟

الحجابات

هادا واحد مكلخ مشى يخطب

جات البنت حطات ليه كاس ديال أتاي ليبتون

Lipton
قال ليها: من دابا بدينا ف الحجابات؟

صيد قنية

سولو واحد المكلخ: كيفاش دير إيلا بغيتي تصيد قنية؟
قال ليهم: غادي نتخبى مورا شي شجرة ونقلد الصوت ديال خيزو

راني طويل

 واحد مكلخ كان كيصبغ الحيط ف دارهوم. قالو ليه: إيوا بعدا على الأقل دير جرنان تحت منك
قال ليهم المكلخ: لا بلاش، راني طويل

الراجل والحفرة

 راجل معقول كان غادي وطاح ف حفرة  ناض منها وشاف قدامو وهي تبان ليه حفرة أخرى وقال: أوووف هنطيح عوتاني

جا يوصلني

 جوج مشاو للمحطة د التران ولقاوه بدا كيتحرك. واحد لحقو نقز فيه وركب، ولاخور ميت بالضحك ما ركبش. مللي سولوه مالك؟ قال ليهم: هاداك المكلخ راه غير جا يوصلني

غادي تسكتي أولا

 مكلخ خطف مكلخة ودارها ف الطوموبيل. البنت بدات كتغوت قال ليها المكلخ: غادي تسكتي أولا غادي تنزلي قالت ليه: لا صافي هاني سكت

علاش ما كتجريش؟

 هادو جوج غاديين ف الغابة وهو يخرج ليهم سبع. ناض اللول ضرب السبع بحجرة كبيرة وهرب كيجري. شوية وهو يتلفت وراه وبان ليه صاحبو كاع ما كيجريش. قال ليه: وا مالك أصاحبي ماكتجريش؟ جاوبو صاحبو: وعلاش نجري؟ مالي أنا اللي ضربتو؟